Bilim mınıstrligine Kámeletke tolmaǵandardy beıimdeý men oqshaýlaýdyń 18 ortalyǵy beriledi

Búgin QR Parlamenti Senaty Áleýmettik mádenı-damý komıtetiniń otyrysynan keıin jýrnalısterdiń saýalyna jaýap bergen QR Іshki ister vıtse-mınıstri Aleksandr Kýlınıch osylaı málim etti.

«Bul ortalyqtarda negizinen qaraýsyz qalǵan kámelettik jasqa tolmaǵan balalar, sonymen birge ata-ana bolý quqyǵynan aıyrylǵandardyń balalary tárbıelenetin bolady. Jalpy, bundaı ortalyqtarda shamamen 9 myńǵa jýyq kámeletke tolmaǵan balalardyń tárbıelenetini josparlanǵan», dedi A. Kýlınıch.

Vıtse-mınıstrdiń aıtýynsha, bundaı ortalyqtardyń kadrlary ózderiniń tilegine oraı sol mekemelerde budan keıin de jumys isteı alady. Alaıda, bul úshin olarǵa pedagogıkalyq bilim qajet bolady.