Bilim mınıstrliginde túlekter keshine aqsha jınaýdy qoldamaıdy
ASTANA. QazAqparat -Bilim jáne ǵylym mınıstrligi túlekter keshine aqsha jınaý jáne qosymsha zattardy jalǵa alý ıdeıalaryn qoldamaıdy.
Bul týraly QR Parlamenti Májilisinde tilshiler saýalyna jaýap berý kezinde atalmysh vedomstvo vıtse-mınıstri Bıbigúl Asylova málim etti, dep habarlaıdy QazAqparat.
Onyń sózine qaraǵanda, túlekter keshine qatysty vedomstvoda selektorlyq keńes uıymdastyrylyp, sonyń barysynda árbir bilim berý basqarmasynyń ókilderi túlektermen qoshtasý sharalaryn mekteptiń ishinde ótkizý turǵysynda jumystar atqaryp jatqandyǵyn habarlaǵan.
«Al ata-analar komıtetteri qandaı da bir keshterdi nemese basqa da sharalardy mektepten tys jerde ótkizý turǵysynda ózderi sheshim qabyldaıdy. Jalpy túlektermen qoshtasý mektepte uıymdastyrylady»,-dep naqtylady Asylova.
Osy oraıda ol mınıstrlik aqsha jınaý men qosymsha zattardy jalǵa alý sekildi ıdeıalardy qoldamaıtyndyǵyn qadap aıtty.
Vıtse-mınıstr búginde ata-analarmen tıisti jumystar júrgizilip jatqanyn, jaqynda ata-analar jınalysy da ótkizilgenin jetkizdi. Bul turǵyda vedomstvo aǵymdaǵy aptada túlekter keshine qatysty aqparattyq jumystardy kúsheıtpek.
Budan buryn habarlanǵandaı, QR BǴM túlekter keshine qarjy jınaý máselesine túsinik bergen bolatyn.
