Bilim mınıstrligi jurtty dúrliktirgen aqparatqa qatysty málimdeme jasady
NUR-SULTAN. QazAqparat - QR Bilim jáne ǵylym mınıstrligi áleýmettik jelilerde oqýshylardyń mektepke nemese dúkenderge kelgenin anyqtaý maqsatynda reıd júrgiziledi degen aqparatqa qatysty málimdeme jasady, dep habarlaıdy QazAqparat tilshisi.
«Áleýmettik jelilerde jáne WhatsApp messendjerde oqýshylardyń mektepke nemese dúkenderge kelgenin anyqtaý maqsatynda reıd júrgiziletini jáne anyqtalǵan jaǵdaıda ata-analarǵa aıyppul salynatyny týraly tarap jatqan aqparat shyndyqqa janaspaıdy. Jalǵan aqparat taratýshylardy jaýapkershilikke tartý zańda qarastyrylǵandyǵyn habarlaımyz. Qosymsha suraqtar boıynsha mınıstrliktiń Sall-ortalyǵyna +7(7172)74-24-11 telefon nómiri arqyly nemese óńirlik bilim basqarmalaryna habarlasýǵa bolady», - delingen mınıstrliktiń Telegram paraqshasynda jarııalanǵan aqparatta.
