Bilim mınıstrligi joǵary jáne joǵary oqý ornynan keıingi bilimge jańa talap qoıdy

ASTANA. QazAqparat - Elimizde joǵary jáne joǵary oqý ornynan keıingi bilimge jańa talap qoıylady. Bul týraly búgin Ortalyq kommýnıkatsııalar qyzmetindegi brıfıngte QR Bilim jáne ǵylym mınıstri Erlan Saǵadıev aıtty, dep habarlaıdy QazAqparat tilshisi.

«Joǵary jáne joǵary oqý ornynan keıingi bilimdi biz sapanyń eki bazalyq negizgi túsinikti negizinen bastaımyz. Birinshisi - bul zamanaýı bilim berý baǵdarlamasy. Ekinshisi - stýdentterge joǵary talap», - dedi mınıstr.

Onyń aıtýynsha, Akademııalyq erkindik týraly zań elimizdiń joǵary oqý oryndaryna bilim berý baǵdarlamalaryn jedel jańartýǵa múmkindik beredi.

«Jumyspen qamtý men jumys berýshilerdiń kásibı odaqtarynyń baǵalaýyna negizdelgen «Atameken» UKP-nyń bilim baǵdarlamalarynyń reıtıngi bilim berý baǵdarlamalarynyń qajet etiletindigine jáne zamanaýılyǵyna negizdelgen. Jáne de ol joǵary oqý oryndaryna jańartýdyń naqty baǵyttaryn kórsetedi. Bizdińshe, bul mindetterdi sheshý tuǵyrnamasynyń negizi qalanǵan», - dedi Erlan Saǵadıev.