Bilim mınıstrligi jeke úlgidegi dıplom berýdiń artyqshylyǵyn atady
QR Bilim jáne ǵylym mınıstrliginiń Telegram kanalynda jarııalanǵan aqparatqa sáıkes, jeke úlgidegi dıplomdar jumys berýshilerge maman daıarlaý sapasyn baǵalaýǵa múmkindik beredi. Dıplomdarda joǵary oqý orny, bilim berý baǵdarlamasynyń ataýy, bitirýshiniń derekteri, oqytý nysany kórsetilýi tıis. Berilgen dıplomǵa derbes jaýapty bolatyn rektordyń qoly bolýǵa mindetti. Ár dıplomda BǴM jasaǵan biregeı sáıkestendirý nómiri bolady.
«Bilim týraly» zańǵa sáıkes ár dıplomda qorǵanys belgileri bolýy kerek. Joǵary oqý ornynyń osy oqý ornynda oqymaǵan, bilim berý baǵdarlamasyn aıaqtamaǵan adamǵa dıplom berýi lıtsenzııadan aıyrý jáne akkredıtteýdi keri qaıtaryp alý úshin negiz bolady. Jeke úlgidegi dıplomdardy qoldan jasaý resmı qujattardy qoldan jasaý bolyp sanalady. Mundaı áreket úshin Qylmystyq kodekstiń 385-baby boıynsha jaýapkershilik kózdelgen», - dep atap ótedi mınıstrlikten.
Eske salsaq, buǵan deıin Bilim mınıstri 2021 jyldan bastap dıplomdar qalaı beriletinin túsindirgen bolatyn.
