Bilim mınıstrligi «jastar» sanatyna jatatyndardyń jasyn 1 jylǵa uzartýdy usyndy

Bul týraly búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine memlekettik jastar saıasaty máseleleri boıynsha ózgerister men tolyqtyrýlar engizý týraly» zań jobasynyń   tanystyrylymy barysynda málim boldy.

«Zań jobasy arqyly biz «jastar» sanatyna jatatyn azamattardyń jasyn 30 jasqa deıin ulǵaıtýdy usynamyz. Qoldanystaǵy zańǵa keletin bolsaq, qazirgi Qazaqstannyń jastary 14 pen 29 jastyń aralyǵyndaǵy jastar bolyp sanalady. Osyǵan  oraı biz bul sanattaǵylardy «14 pen 30-ǵa deıin» dep ózgertkimiz keledi», - deıdi Bilim jáne ǵylym mınıstriniń orynbasary Mahmetǵalı Sarybekov.

Budan bólek zań jobasynda jastardy qoldaý úshin aqparattyq, uıymdastyrýshylyq jáne basqa da qyzmetter usynatyn resýrstyq ortalyqtar qurý kózdeledi.

«Jalpy alǵanda jastar saıasatynyń halyqaralyq tájirıbelerin de eskergen oryndy dep oılaımyz. Máselen, sońǵy on jyl ishinde kóptegen Eýropa jáne TMD elderinde jastar saıasaty sheńberindegi zańdar qaıta qaralyp jatyr. Ázirbaıjan jáne Moldova elderinde jastar saıasaty týraly zań bar. Ulybrıtanııada balalar jáne jastar týraly zań bar bolsa, Germanııada jastar saıasatyn retteıtin zańnyń birqatar tolyq qatary bar. Atap aıtqanda, balalar jáne jastar qyzmeti týraly arnaıy jeke zań, qoǵamdyq oryndarda jastardyń quqyqtaryn qorǵaý, jumys oryndarynda jastardy qorǵaý týraly, jastar sottary týraly zańdar jumys isteıdi», - deıdi M. Sarybekov.