Bilim mınıstrligi Zań departamentiniń dırektory tártiptik jaýapqa tartyldy
ASTANA. Maýsymnyń 22-si. QazAqparat /Qanat Mámetqazyuly/ -Normatıvtik quqyqtyq aktilerdi tirkeý salasy boıynsha Bilim jáne ǵylym mınıstrliginde 121 buıryqtaǵy zańnamalyq buzýshylyq anyqtalǵan, osyǵan oraı, tıisti sharalar qabyldanýda.
Bul týraly QR Ádilet mınıstrliginde ótken brıfıng barysynda vedomstvonyń resmı ókili Erbolat Erimbet málim etti.
«Normatıvtik quqyqtyq aktilerdi tirkeý salasy boıynsha aǵymdaǵy jyldyń sáýir aıynda tekserýler júrgizilip, ol boıynsha Bilim jáne ǵylym mınıstrliginde 121 buıryqqa, Densaýlyq saqtaý mınıstrliginde - 146 buıryqqa qatysty zańnamalyq buzýshylyq anyqtalǵan bolatyn. Osyǵan oraı, Bilim jáne ǵylym mınıstrliginiń jaýabyna sáıkes, 94 akti qoldanystaǵy zańnama talabyna sáıkes keltirilip, qalǵany boıynsha tıisti jumystar júrgizilýde. Buzýshylyqqa jol bergeni úshin Bilim jáne ǵylym mınıstrliginiń Zań departamentiniń dırektory E. Nurǵalıev tártiptik jaýapqa tartyldy», dedi E. Erimbet.
Resmı ókildiń aıtýynsha, Densaýlyq saqtaý mınıstrligi de zań buzyshylyqty joıý boıynsha sharalardy qabyldaýda. Máselen, búgingi kúni atalǵan vedomstvoda 33 buıryq zańnamaǵa sáıkes keltirilgen.
