Bilim mınıstrligi ustazdarǵa vıdeoquttyqtaý joldaýǵa úndedi

NUR-SULTAN. QazAqparat – Bilim jáne ǵylym mınıstrligi qazaqstandyqtardy ustazdaryn kásibı merekesimen quttyqtap, mınıstrliktiń Instagram paraqshasyna vıdeoquttyqtaý joldaýǵa shaqyrdy, dep habarlaıdy QazAqparat tilshisi.

«Muǵalimniń qoǵamdaǵy mártebesi - kez kelgen memlekettiń búgini men bolashaǵynyń aı̆qyn kórsetkishi. Ustazdarymyzǵa bilim berý men tárbıeleý isine qosqan ólsheýsiz úlesteri jáne kásipke degen adaldyqtary úshin shyn júrekten alǵys bildiremiz! Qurmetti oqyrmandar! Muǵalimder kúni qarsańynda ustazdaryńyzǵa arnalǵan jyly lebizderińizdi joldaı̆ alasyzdar. Ol úshin beı̆ne quttyqtaýlaryńyzdy Instagram jelisinde @edu_news_kz paraqshasyn belgilep, #Ustazyma_Myń_Alǵys nemese #Spasıbo_Vam_Ýchıtel heshtegterin paı̆dalana otyryp jarııalaý qajet», - dep habarlady mınıstrlik.

Erekshe quttyqtaýlar Bilim jáne ǵylym mınıstrliginiń Instagram paraqshasynda jarııalanady.

Úndeýge alǵashqylardyń biri bolyp Memlekettik syılyqtyń ıegeri, ánshi Súndet Baıǵojın ún qatty.

«Muǵalimderdi kásibı merekelerimen shyn júrekten quttyqtaımyn! Balalarymyzdyń tárbıesine qosqan baǵa jetpes úlesterińiz úshin jáne tańdaǵan mamandyqtaryńyzǵa degen adaldyqtaryńyz úshin alǵys aıtamyz. Sizderge shydamdylyq tanytqandaryńyz jáne tynymsyz eńbekterińiz úshin bas ıemiz. Kásibı mereke sizderge jaqsy kóńil-kúı syılap, áriptesterińiz ben oqýshylaryńyzdan jyly tilekter men quttyqtaýlar kóp bolsyn. Sizderge myqty densaýlyq jáne jumystaryńyzda sáttilik tileımin!» - dedi ol.