Bilim mınıstrligi ýnıversıtetterge ǵylymı ataq taǵaıyndaý quqyǵyn usynady
ASTANA. QazAqparat - Qazaqstandaǵy ýnıversıtetterge ǵylymı ataq taǵaıyndaý quqyǵy beriledi. Bul týraly búgin Májiliste «Qazaqstan Respýblıkasynyń keıbir zańnamalyq aktilerine bilim berý máseleleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda málim boldy.
Bilim jáne ǵylym vıtse-mınıstri Tahır Balyqbaevtyń aıtýynsha, Memleket basshysy ýnıversıtetterdiń derbes qyzmetin júzege asyrýǵa satylap kóshý týraly tapsyrma júktegen. Sondyqtan da, zań jobasymen bilim berý uıymdarynyń erekshe mártebesi mazmunyn jetildirý kózdeledi.
«Atap aıtqanda, erekshe mártebege ıe joǵary oqý oryndarynda bakalavrıat, magıstratýra men doktorantýra baǵdarlamalaryn óz betinshe ázirlep, júzege asyrý, memlekettik standarttarǵa sáıkes, aǵymdaǵy, aralyq jáne qorytyndy attestatsııalardyń erejelerin óz betinshe aıqyndaý, baǵdary men ataǵy boıynsha PhD doktory ataǵyn óz betinshe berý quqyǵy qamtylady. Budan bólek, erekshe mártebege ıe ýnıversıtetter professorlyq-oqytýshylar quramynyń biliktilik sıpattaryn óz betinshe bekitý quqyǵyna ıe bolady, sosyn bilim berýdiń júktemesi, formasy men oqytýshylar jalaqysynyń mólsheri negizinde bilim berý qyzmetin júzege asyratyn bolady», - dedi T. Balyqbaev.
