Bilim mınıstrligi UBT-nyń jańa formatyn túsindirdi
ASTANA.QazAqparat - Qazaqstan Respýblıkasynyń Bilim jáne ǵylym mınıstrligi Feısbýk áleýmettik jelisindegi resmı paraqshasy arqyly halyqqa 2017 jyldan bastalatyn Ulttyq biryńǵaı testileý júıesiniń jańa formatyn túsindirdi, dep habarlaıdy QazAqparat.
Bilim mınıstrligi aldymen ulttyq testileýdiń formatyn aýystyrýǵa ata-analar men oqýshylardyń aryz-tilekteri túrtki boldy dep jazǵan.
«QR Bilim jáne ǵylym mınıstrligi ótkizgen sońǵy brıfıngte mektep túlekteriniń qorytyndy attestatsııasy men joǵarǵy oqý ornyna túsýdiń jańa formaty tanystyrylǵan bolatyn. 2017 jyldan bastap jas túlek mektepte emtıhan tapsyryp (orta mektep bitirgeni jóninde attestat jáne «Altyn belgi» alý úshin), JOO-ǵa túsý úshin emtıhan men UBT tapsyrady. UBT - jáne memlekettik granttyń bóliný júıesiniń fýnktsııasyn atqarady»,-dep habarlap otyr BǴM.
ıAǵnı, 2017 jyldan bastap, joǵarǵy oqý ornyna talpynǵan túlek mektep qabyrǵasynda 5 pánnen qorytyndy attestatsııadan ótýi kerek eken.
Ol mynandaı pánder:
1. Ana tili jáne ádebıeti (esse jazý);
2. Qazaq tilinde bilim beretin mektepterde - orys tilinen, al orys, ózbek, tájik, uıǵyr mektepterinde - qazaq tilinen (test túrinde);
3. Qazaqstan tarıhy (aýyzsha emtıhan);
4. Algebra jáne analız bastamalary (jazbasha);
5. Tańdalǵan pán boıynsha (fızıka, hımııa, bıologııa, geografııa, geometrııa, dúnıejúzi tarıhy, ádebıet, ınformatıka, shet tili (aǵylshyn, frantsýz, nemis) - test tapsyrady.
