Bilim mınıstrligi testileýden óte almaǵan 43 myń túlektiń máselesin nazarda ustamaq

Bul týraly búgin QR Parlamenti Senatynyń jalpy otyrysynda Bilim jáne ǵylym mınıstri Baqytjan Jumaǵulov málim etti.

Eske sala ketsek, palatanyń otyrysy barysynda depýtat Ǵanı Qasymov bıylǵy UBT nátıjesinde birneshe ondaǵan myń túlek testileý synaqtarynan óte almaǵanyn aıtyp, olardyń endigi máselesi týraly suraý salǵan edi.

«Bul búkil qoǵamnyń kóterip júrgen máselesi. 43 myń úmitker UBT balynyń shekti «tabaldyryǵynan» attaı almady. Bul bilim berý sapasyna qatysty salmaqty másele, deı turǵynmen bul obektıvti shyndyq. Ekinshiden, elimizde 894 kolledj barshylyq, UBT synaǵyn eńsere almaǵandar osyndaı oqý oryndarynda mamandyq alýyna bolady. ıAǵnı, búgingi kúni biz bul baǵytta jumysty jalǵastyrýdamyz, osy problemaǵa basa nazar aýdaryp otyrmyz», - dedi B. Jumaǵulov.

Mınıstrdiń aıtýynsha, UBT-nyń tómengi kórsetkishte bolýy eń aldymen, bilim sapasyna baılanysty.

«Árıne,  biz bir de bir adam qalmaıtyndaı etip, barlyq joǵary oqý oryndaryna túlekterdi qabyldata alatynymyz belgili, alaıda ondaımen problemany sheshý múmkin emestigin barshańyz bilesizder», - dedi mınıstr.