Bilim mınıstrligi talapkerler arasynda tanymal JOO-lardy atady
NUR-SULTAN. QazAqparat - QR Bilim jáne ǵylym vıtse-mınıstri Fatıma Jaqypova qandaı joǵary oqý oryndary talapkerler arasynda suranys ıe ekendigin aıtyp berdi, dep habarlaıdy QazAqparat tilshisi.
«Bul rette, dástúrli túrde ulttyq ýnıversıtetter joǵary suranysqa ıe. Osy oraıda L.N. Gýmılev atyndaǵy Eýrazııa ulttyq ýnıversıtetin, Ál-Farabı atyndaǵy Qazaq ulttyq ýnıversıtetin atap ótken jón. Sonymen qatar, óńirlerdegi iri joǵary oqý oryndaryna tapsyrǵan jastardyń qarasy qalyń. ıAǵnı M.Áýezov atyndaǵy Ońtústik Qazaqstan memlekettik ýnıversıteti, Sh. Esenov atyndaǵy Kaspıı memlekettik tehnologııalar jáne ınjınırıng ýnıversıteti, Q.Jubanov atyndaǵy Aqtóbe óńirlik memlekettik ýnıversıteti bar», - dedi vıtse-mınıstr elordada ótken brıfıngte.
Munymen qosa, bıyl taǵy birneshe ýnıversıtet tanymal bolǵan.
«Bıyl alǵash ret Nur-Sultan qalasyndaǵy Halyqaralyq ІT-ýnıversetet óz esigin ashty. Bul joǵary oqý ornyna aıtarlyqtaı joǵary suranys boldy. Qazaqstan-Brıtan tehnıkalyq ýnıvertıtine de suranys artty. Al tehnıkalyq baǵyttaǵy ulttyq ýnıversıtter arasynda Q.I.Sátbaev atyndaǵy Qazaq ulttyq tehnıkalyq zertteý ýnıversıtetin atap ótýge bolady», - dedi F. Jaqypova.
Budan buryn habarlanǵandaı, búgin 2019 jylǵy memlekettik bilim granty ıegerleriniń tolyq tizimi jarııalandy.
