Bilim mınıstrligi stýdentteri shý shyǵarǵan «Orhıdeıa» kolledji boıynsha tıisti sharalardy qolǵa alýǵa ýáde etti
ASTANA. 9 sáýir. QazAqparat - Keshe buqaralyq aqparat quraldary Almatydaǵy «Orhıdeıa» medıtsınalyq kolledjiniń sapasyz qyzmeti týraly habarlaǵan bolatyn.
Búgin QR Bilim jáne ǵylym mınıstrligi atalǵan oqý orny boıynsha tıisti sharalardy qolǵa alatyndyǵyn málimdedi.
Esterińizge sala keteıik, Almaty qalasyndaǵy «Orhıdeıa» atty medıtsınalyq kolledjdiń aınalasynda týyndaǵan daý-damaıdyń negizgi sebebi - farmatsevterdi daıarlaıtyn atalǵan oqý ornynda stýdent-jastardyń emin-erkin bilim alýlaryna qajetti jaǵdaı jasalmaǵan. Onda tórt-aq aýdıtorııa bar, al ashana men sportzal múldem joq. Bir oqytýshy birneshe pán boıynsha sabaq beredi. Stýdentter bolsa, eki jyldan beri synaq kitapshalaryn kórmegen.
Búgin «QazAqparat» tilshisine suhbat bergen QR Bilim jáne ǵylym vıtse-mınıstri Saıat Shaıahmetov osy másele boıynsha tıisti sharalardyń atqarylatyndyǵyn jetkizdi. «Biz ol kolledj týraly áli estigen joqpyz. Degenmen, tıisti sharalardy qolǵa alatyn bolamyz», - dep atap kórsetti S.Shaıahmetov.
