Bilim mınıstrligi shetelge ketken tanymal ǵalymdardy elge qaıtarý máselesin qarastyryp jatyr
ANA. 12 qarasha. QazAqparat /Qanat Mámetqazyuly/ - Bilim mınıstrligi shetelge ketken tanymal ǵalymdardy elge qaıtarý máselesin qarastyryp jatyr. Bul týraly búgin QR Parlamenti Senatynyń jalpy otyrysynda «2011-2013 jyldarǵa arnalǵan respýblıkalyq bıýdjet týraly» zań jobasyn talqylaý barysynda Bilim jáne ǵylym mınıstri Baqytjan Jumaǵulov málim etti.
«Sońǵy ýaqytta Qazaqstannan «zııatkerlik menshiktiń» ketýi turaqtalyp keledi. Búgingi kúni «Nazarbaev Ýnıversıtetiniń» ashylýyna, 20-ǵa tarta joǵary oqý oryndarynda jańa zerthananyń jumys isteýine oraı álgi máselege qatysty oń úrdis baıqalýda dep aıtýǵa bolady. Kóptegen derekterge súıensek, Amerıkanyń bilim-ǵylymyna tartylǵandardyń 25 paıyzyna jýyǵy Keńes Odaǵynyń ǵalymdary eken. Bul - óte úlken kórsetkish. Qazaqstanda qazirgi tańda ǵylymı bazalar qalyptasty. Sondyqtan da, Bilim jáne ǵylym mınıstrligi shetelge ketken ǵalymdardy, ásirese talantty ǵalymdardy qaıtarý máselesin qarastyryp jatyr», - dedi depýtattar saýalyna jaýap qaıtarǵan Bilim jáne ǵylym mınıstri Baqytjan Jumaǵulov.
Onyń aıtýynsha, qazirgi tańda shetelde 125 qazaqstandyq ǵalym jumys isteýde eken. Al óz ǵalymdaryn qaıtarý jónindegi baǵdarlama Reseı men Qytaıda bar kórinedi. «Sondyqtan Úkimetke ár jyldary ártúrli sebeptermen shetelderde qalyp qoıǵan tanymal jerlesterimizdi qaıtarý týraly usynys ázirleýge daıynbyz», - dedi mınıstr.
