Bilim mınıstrligi: Oqýlyqtar mektepterge ýaqtyly jetkiziledi
ASTANA. QazAqparat - QR Bilim jáne ǵylym mınıstrligi oqýlyqtardyń jóneltilýi men jetkizilýine kúndelikti monıtorıng júrgizýde. Bul týraly «QazAqparat» HAA-nyń resmı saýalyna jaýap bergen QR Bilim jáne ǵylymı mınıstrliginiń baspasóz hatshysy Áıgerim Álibekova málim etti.
«Baspalar men jergilikti atqarýshy organdardyń málimetterine sáıkes oqýlyqtardy jóneltý jáne jetkizý 20 tamyzda aıaqtalady. Soǵan oraı 25 tamyzǵa deıin barlyq mektepterge oqý-ádistemelik keshender men oqýlyqtar tolyq kólemde jetkiziledi. Oqýlyqtar men oqý-ádistemelik keshendermen qamtamasyz etý protsesi kestege sáıkes júrgizilýde»,- dedi ol QazAqparat tilshisine.
Mınıstrlik málimetterine sáıkes, 17 tamyzda Pavlodar, Soltústik Qazaqstan, Jambyl, Qostanaı, Qaraǵandy, Qyzylorda, Mańǵystaý oblystaryna, Astana men Almaty qalalaryna oqýlyqtar 100 paıyz jetkizildi. Jalpy, respýblıka boıynsha mektepterdiń oqýlyqtar men oqý-ádistemelik keshendermen qamtamasyz etilýi 90 paıyzdy quraıdy.
