Bilim mınıstrligi «Muǵalimge arnalǵan ýltrabýk» baǵdarlamasyn bastady
ASTANA. 20 tamyz. QazAqparat - Búgin QR Bilim jáne ǵylym mınıstrligi "Muǵalimge arnalǵan ýltrabýk" atty baǵdarlamany bastady.
Onyń aıasynda qazaqstandyq ustazdar qazirgi zamanǵy mobıldi kompıýterlerdi arnaıy áleýmettik baǵamen satyp ala alady. Baǵdarlamanyń áriptesteri retinde Intel, Microsoft, Lenovo kompanııalary jáne Alser men Sulpak dúkenderi qatysýda.
"Muǵalimge arnalǵan ýltrabýk" jobasy QR BǴM-niń 2011 jyly qabyldanǵan "Elektrondy oqytý júıesi" baǵdarlamasyn qoldaýǵa baǵyttalǵan. Onyń arqasynda muǵalimder Lenovo U510 ýltrabýgin 30 paıyz jeńildikpen satyp alý múmkindigine ıe bolady jáne "Windows 8" kásibı lıtsenzııasy syıǵa tabystalmaq. Joba bastapqyda Aqmola, Almaty, Qaraǵandy oblystarynda jáne Astana men Almaty qalalarynda engiziledi. Keıin bul ıgi sharany Qazaqstannyń barlyq óńirlerinde de taratý josparlanýda", - deıdi joba jetekshisi, QR Bilim jáne ǵylym mınıstrligi Strategııalyq josparlaý jáne aqparattyq-kommýnıkatsııalyq tehnologııalar departamenti bastyǵynyń orynbasary Gúl Júsipova.
Joba jergilikti bilim basqarmalary arqyly iske asatyn bolady. Ázirshe buǵan 1 myń ýltrabýk bólingen.
