Bilim mınıstrligi men jergilikti bılik arasyndaǵy baılanys nasharlap ketken - B.Saparbaev
ASTANA. QazAqparat - Bilim mınıstrligi men jergilikti atqarýshy bılik arasyndaǵy baılanys nasharlap ketken. Bilim berý júıesi qyzmetkerleriniń respýblıkalyq tamyz keńesinde sóz alǵan Premer-Mınıstrdiń orynbasary Berdibek Saparbaev osylaı málim etti.
«Táýelsizdik alǵan kúnnen bastap Memleket basshysy bilim salasyna úlken kóńil bólip keledi. Ulttyq jospardy júzege asyrý úshin, «100 qadam», Indýstrııalyq-ınnovatsııalyq damý, «Nurly jol» baǵdarlamalaryn júzege asyrý úshin Memleket basshysy bilim salasyna kóp tapsyrma júktedi. Bizdiń endigi mindetimiz - osy berilgen tapsyrmalardy oryndaý. Qansha degenmen, adam óziniń azamat bolyp qalyptasýyn mektepten bastaıdy. Sol azamattarǵa bilim men tárbıe beretin ustazdar. Sondyqtan, Qazaqstan úkimeti atynan ulaǵatty qyzmetterińiz úshin úlken rahmet»,-dedi Úkimet basshysynyń orynbasary.
B.Saparbaevtyń aıtýynsha, bilim salasynyń sapaly damýy - joǵary bılik pen jergilikti bılik arasynda tyǵyz qarym-qatynas ornasa ǵana múmkin bolatyn nátıje.
«Qazirgi negizgi másele - memlekettik organdar, qoǵamdyq uıymdardyń, ata-analardyń, bilim oshaqtarynyń birigip jumys isteýine kóńil bólý. Ókinishke oraı, qazir baıqaıtynymyz - mınıstrlik (Bilim mınıstrligi - agenttik) pen jergilikti bılik ókilderiniń arasyndaǵy baılanys nasharlap ketken. Barlyǵymyz jaqsy túsinemiz, negizgi bilim oshaqtary, bilimdi balalar aýyldyq jerlerde, eldi mekenderde turady. Eger osy eki býyn birigip jumys istese ǵana bir nátıjege jetýge bolady»,-dedi Premer-Mınıstrdiń orynbasary.
