Bilim mınıstrligi mektepke balalardy 6 jastan qabyldaýdy usynady
ASTANA. QazAqparat - Bilim jáne ǵylym mınıstrligi mektepke balalardy 6 jastan qabyldaýdy usynady. Búgin Májiliste «Qazaqstan Respýblıkasynyń keıbir zańnamalyq aktilerine bilim berý máseleleleri boıynsha ózgerister men tolyqtyrýlar engizý týraly» zań jobasyn tanystyrǵan Bilim jáne ǵylym vıtse-mınıstri Tahır Balyqbaev osylaı málim etti.
Zań jobasyndaǵy basty jańalyqtardyń biri mektepke bilim alýǵa qatysty qabyldaýdy 6 jastan aıqyndaý usynylady. «Bul rette mektepke qabyldanǵan túlek 12 jyldyq bilimmen 18 jasynda mektepti aıaqtaıdy, sosyn búgingi memlekettik baǵdarlamada da balanyń 6 jastan 1-synypqa barýy tıistigi qarastyrylǵan. Álbette, qoǵam arasynda bul máselege qatysty túrli pikir bar, kópshiliktiń osy tóńirekte suraqtary da týyndaǵan. Degenmen, oqý jyly kúntizbelik jyldan aıyrmashylyǵy bar jáne biz úshin eń bastysy 1 qyrkúıek, jańa oqý jylyndaǵy balanyń naqty jasy mańyzdy. Mektepke baratyn balanyń 1 qyrkúıektegi jasy 6-ǵa tolǵan bolýy kerek», - dedi Tahır Balyqbaev.
