Bilim mınıstrligi Qazaqstan tarıhy boıynsha eki jańa oqýlyq daıyndaýda
ASTANA. 12 maýsym. QazAqparat - QR Bilim jáne ǵylym mınıstrligi Qazaqstan tarıhy boıynsha eki jańa oqýlyq daıyndaıdy, dep habarlady vedomstvonyń jaýapty hatshysy Álııa Ǵalymova.
«Bir oqýlyq ejelgi dáýirden búgingi kúnge deıingi kezeńdi qamtıdy, ekinshi oqýlyq osy zamandaǵy ulttyq tarıhty túsindirýge arnalady», - dep habarlady A.Ǵalymova.
Otan tarıhy boıynsha jańa sapaly oqýlyqtardy daıyndaý tapsyrmasyn QR Bilim jáne ǵylym mınıstrligine maýsym aıynyń basynda Memlekettik hatshy Marat Tájın bergen bolatyn. Onyń sózine qaraǵanda, kóptegen qazirgi Qazaqstan tarıhy boıynsha oqýlyqtarda empırıkalyq málimetter: data, tsıfrlar, toponımıka, adam attary kóp. Jáne bul artyq málimetter oqýshylardyń bilimin arttyrýǵa múmkindik jasamaıdy, kerisinshe áser beredi, dep sanaıdy Memlekettik hatshy. Táýelsizdik kezeńine arnalǵan taraýlar keı kezderde túsiniktemeshi nemese ústirt-sıpattamalyq sıpat alady.
Jańa basylymdarda tutastaı Ortalyq Azııa aımaǵynyń damýyna erekshe nazar aýdarylady. «Mádenı mura» jáne «Ǵylymı qazyna» memlekettik baǵdarlamalarynyń sheńberinde derekter bazasy qalyptastyrylǵan. Olardyń negizinde, sondaı-aq, álemdik ǵylymı qorlardy paıdalanyp, elimiz tarıhynyń ádiletti beınesin jańadan jasaý qolǵa alynbaq.
