Bilim mınıstrligi Ispanııadaǵy qazaqstandyq stýdentterdiń máselesin sheship berdi
NUR-SULTAN. QazAqparat – QR Bilim jáne ǵylym mınıstrligi Ispanııada akademııalyq mobıldilik baǵdarlamasy boıynsha oqyp jatqan ál-Farabı atyndaǵy QazUÝ stýdentteriniń máselesin sheship berdi, dep habarlaıdy QazAqparat tilshisi.
Aıta keteıik, Instagram jelisinde qazaqstandyq stýdentter jergilikti turǵyndar tarapynan shetteý baryn aıtyp, shaǵymdanǵan edi. Búgin tańerteń Bilim jáne ǵylym vıtse-mınıstri Mıras Dáýlenov Direct Instagram arqyly qazaqstandyq stýdentter eline qaıtý úshin bılet satyp alynǵanyn jazdy.
«Sizder 2 naýryzda ushyp shyǵýlaryńyz kerek edi. Bas tarttyńyzdar. Sizderdiń ótinishterińizge baılanysty QazUÝ erteńge bılet satyp alyp qoıdy», - dep jazdy ol.
Óz kezeginde stýdentter QR Bilim jáne ǵylym mınıstrliginiń ókiline alǵys aıtty.
«Bizdiń máselemizge nazar aýdarǵandaryńyzǵa kóp rahmet. Qaıta habarlasqandaryńyzǵa rahmet» - dep jazdy jazba avtory.
