Bilim mınıstrligi halyqty Pedagog mártebesi týraly zań jobasyn talqylaýǵa shaqyrdy
ASTANA. QazAqparat - Bilim jáne ǵylym mınıstrligi ustazdar men ata-analardy, jalpy kópshilik qaýymdy «Muǵalim mártebesi týraly» Zań jobasyn birlesip talqylaýǵa shaqyrdy, dep habarlaıdy QazAqparat vedomstvonyń baspasóz qyzmetine silteme jasap.
«Búginde zań jobasy ázirlenip jatyr. Elbasynyń halyqqa arnaǵan Joldaýynda sóz bolǵan jańa zań muǵalim mártebesin kóterýdi kózdeıdi. Zań ustazdar qaýymynyń júktemesin azaıtýǵa, jónsiz tekserister men mindetten tys fýnktsııalardan arashalaýǵa tıis. Osy rette mektep muǵalimderi men JOO, kolledj oqytýshylaryn, ata-analar qaýymy men osy máselege qyzyǵýshylyq tanytqan tulǵalardy zań jobalaryn talqylaýǵa belsendi qatysýǵa shaqyramyz» delingen habarlamada.
Zań jobasyna qatysty usynystar bolsa, bilimdiel.project@mail.ru elektrondyq poshtasyna jiberýge bolady. Zań jobasy boıynsha kelip túsken usynystar myna jerde jáne QR BǴM resmı saıtynda jarııalanǵan. Al «Muǵalim mártebesi týraly» Zań jobasynyń tujyrymdamasymen myna silteme arqyly tanysa alasyzdar.
«Qurmetti muǵalimder, oqytýshylar jáne qymbatty ata-analar! «Muǵalim mártebesi týraly» Zań jobasyn talqylaý barysynda belsendilik tanytýlaryńyzdy suraımyz. Óıtkeni jańa Zańnyń qabyldanýy bilim berý salasynyń bolashaǵy úshin óte mańyzdy» deıdi QR BǴM baspasóz qyzmeti.
