Bilim mınıstrligi «Baldáýren» ortalyǵynda balalar demalysyn uıymdastyrý máselelerine arnalǵan semınar ótkizdi (FOTO)
ASTANA. QazAqparat - QR Bilim jáne ǵylym mınıstrligi aǵymdaǵy jyldyń 7-8 sáýiri kúnderi «Baldáýren» respýblıkalyq oqý-saýyqtyrý ortalyǵynda 2016 jylǵy jazǵy demalys kezinde balalar demalysyn qamtamasyz etý jáne uıymdastyrý máselelerine arnalǵan respýblıkalyq semınar ótkizdi.
Sharaǵa ortalyq jáne jergilikti memlekettik organdardardyń, úkimettik emes uıymdar men jeke kompanııalardyń bilim berý basqarmalarynyń, oblystardyń jáne Astana men Almat qalasy ákimdiginiń ókilderi, balalardy saýyqtyrý ortalyqtarynyń basshylary qatysty.
Semınardyń ashylýyna QR Bilim jáne ǵylym mınıstrliginiń balalar quqyǵyn qorǵaý komıteti basqarmasynyń basshysy Gúlnash Qoshqarova men «Baldáýren» oqý-saýyqtyrý ortalyǵynyń bas dırektory Muhıtdın Tólepbaı qatysyp, alǵysóz sóıledi.
Jıynnyń jalpy otrysynda balalardyń demalysyn uıymdastyrý, saýyqtyrý jumystaryndaǵy barlyq qyzmetterdi vedomstvoaralyq uılestirý máseleleri qarastyryldy. Semınar qorytyndysynda usynystar ázirlendi.
