Bilim mınıstrligi balalardy ata-analarymen birlese oqytyp, tárbıelemek

Bul týraly búgin Úkimet otyrysynda «Oqýshylardyń fýnktsıonaldy saýattylyǵyn damytý jónindegi 2012-2016 jyldarǵa arnalǵan Ulttyq is-qımyl josparynyń oryndalý barysy týraly» baıandama jasaǵan QR Bilim jáne ǵylym mınıstri Baqytjan Jumaǵulov aıtty.

Fýnktsıonaldy saýattylyqty damytý tetikteriniń biri balalardy oqytý men tárbıeleýge ata-analardyń belsendi qatysýy ekendigine toqtalǵan ol: «Bul úshin jańa ádistemeni ázirleýge kiristik. Osy ádistemeniń negizinde ata-analarǵa arnalǵan semınarlar men trenıngter ótkiziledi», - dedi.

Mınıstrdiń sózine qaraǵanda, joǵary atalǵan jumystarǵa úkimettik emes uıymdar men azamattyq qaýymdastyqtyń basqa da sektorlary belsendi tartylatyn bolady.

«Jaqyndy mınıstrlik janynan bilim berý salasyndaǵy qoǵamdastyqpen baılanys jónindegi keńes quryldy. Onyń quramyna Parlament depýtattary, tanymal ǵalymdar men qoǵam qaıratkerleri, bıznes jáne úkimettik emes uıymdar men buqaralyq aqparat quraldary ókilderi kirdi. Keńestiń birinshi otyrysynda eń jaýapty máseleler, onyń ishinde fýnktsıonaldy saýattylyqty damytý máselesi talqylandy», - dedi ol. 

B.Jumaǵulovtyń paıymynsha, aldaǵy ýaqytta aımaqtyq deńgeıde osyndaı keńester ashý qajet. Olar qoǵam men bilim salasynyń ózara baılanysyn jańa deńgeıge shyǵarýǵa múmkindik berer edi.