Bilim mınıstriniń qatysýymen oqýlyq máselesi jóninde keńes ótti

Jıyn barysynda Mınıstrlik basshysyna 2011-2015 jyldarǵa arnalǵan «Oqýlyq» respýblıkalyq ǵylymı-tájirıbelik ortalyqty damytý baǵdarlamasy usynyldy.

Bilim jáne ǵylym mınıstrligi baspasóz qyzmetiniń habarlaýynsha, ortalyqtyń qyzmetin taldaý nátıjesi kórsetkendeı, oqýlyqtar men oqý-ádistemelik keshenderdi ázirleý jáne shyǵarý jumystary boıynsha otandyq júıeni qatań jetildirý talaby qoıylyp otyr. Anglııa, Germanııa, Kanada, Norvegııa, Reseı, Sıngapýr jáne AQSh-tyń oqýlyqtar ádebıetin óńdeý, saraptaý jáne shyǵarý talqylanǵan halyqaralyq tájirıbeleriniń, sonymen birge Parlament depýtattarynyń saýaldaryn taldaý jáne BAQ-ta jarııalanǵan syn materıaldardyń negizinde sońǵy bes jyldyń ishinde Ortalyqpen qazaqstandyq oqýlyqtardyń sapasyn arttyrý úshin jańa baǵyttar qarastyrylǵan. Bul rette basty sheshimin tappaı otyrǵan másele oqýlyqtardy saraptaý sapasy bolyp tabylady.

«Qazirgi tańda oqýlyq máselesine qatysty táýelsiz saraptaý júıesi eńgizilgen. Ol boıynsha Bilim jáne ǵylym mınıstrligi ázirleýshilermen usynylǵan oqýlyqty «Oqýlyq» ortalyǵyna tapsyrady. Tolyq saraptamadan keıin, Ortalyq qorytyndysy shyǵarylyp, oqýlyq Respýblıkalyq qoǵamdyq keńeske usyný nemese qaıtarý sheshimin qabyldaý úshin jiberiledi. Taǵy bir mańyzdy másele -jyldan jylǵa oqýlyq avtorlary ózgermeı keledi Ústimizdegi jyldyń mamyr aıynda matematıka muǵalimderiniń І Sezinde Mınıstr jańa formatsııadaǵy avtorlar men sarapshylardy daıarlaý jáne oqýlyqtar men oqý-ádistemelerdiń sapasyna eksperttik qorytyndy bergen avtorlar tolyq jaýap beretin ustanymdy qamtamasyz etý qajettiligi týraly aıtqan bolatyn. Buǵan qatysty mınıstrlik Qazaqstanda ekspertterdi jáne oqýlyqtardyń avtorlary men shyǵarýshylar mektebin qurý ýaqyty keldi dep sanaıdy», - delingen mınıstrlik taratqan baspasóz aıǵaǵynda.

Toqtala ketetin jaıt, tamyz aıynda Astana, Almaty, Atyraý, Taraz qalalarynda oqýlyqtar sapasy máseleleri boıynsha pedagogtar qoǵamymen aımaqtyq jıyndar ótkiziletin bolady. Qorytyndylaı kelgende, vedomstvo basshysy Qazaqstan oqýlyqtarynyń sapasy jaıyn qoǵamdyq dıalogta ashyq talqylaý qajettigin atap aıtty. Sondyqtan da, bul másele tamyzdyń 25-de Astana qalasynda ótetin Respýblıkalyq pedagogtar forýmynda talqylanatyn negizgi taqyryptardyń biri bolýy múmkin.