Bilim mınıstri: Joǵary oqý oryndarynda syrttaı oqýshylar sany qysqara beredi
ASTANA. 9 jeltoqsan. QazAqparat - Joǵary oqý oryndarynda syrttaı oqýshylar sany qysqartyla beredi. Búgin Májilistegi Úkimet saǵatynda baıandama jasaǵan Bilim jáne ǵylym mınıstri Aslan Sárinjipov osylaı málim etti.
«Joǵary bilim berý salasynda da birqatar problemalyq máseleler barshylyq. Atap aıtqanda, joǵary oqý orny salasynda kadrlar daıarlaýda sáıkessizdik baıqalady. Máselen, elimizde áli kúnge zańgerler men ekonomıster kóptep daıarlanyp jatyr. JOO bitirýshilerge degen qajettilik te tómen, túlekter birden jumysqa ornalasa almaıdy jáne mamandyǵy boıynsha jumys taba almaıdy», - deıdi A. Sárinjipov.
Budan bólek, mınıstr joǵary oqý oryndarynda kúndizgi bólimge qaraǵanda syrttaı bilim alýshylardyń basym bolyp otyrǵanyn, joǵary bilim berý sapasynyń da tómen ekenin da alǵa tartty. «Úsh jylda syrttaı oqý tórt jarym esege azaıdy. Bul baǵyttaǵy jumystar alda da jalǵasatyn bolady», - deıdi A. Sárinjipov.
