Bilim mınıstri jataqhana men mektep salýdaǵy kemshilikter týraly aıtty
NUR-SULTAN. QazAqparat – Bilim jáne ǵylym mınıstri Ashat Aımaǵambetov jataqhana salǵan kezde daıyn tıptik joba boıynsha jumys júrgizýi kerektigin eskertti, dep habarlaıdy QazAqparat tilshisi.
«Jataqhana boıynsha tıptik jobalar baıaǵydan bar. Áıtse de, keıbir JOO-lar qymbat eskız ben jobalardy ázirlep alyp, qarajat surap, ınvestorlardy izdep júr. Keıbir JOO-nyń surap otyrǵan jataqhanalarynyń bir oryndyq baǵasy tipti páter qunynan qymbat. Olaı bolýy múmkin emes! Intererlik jáne basqa bezendirý bári de sanıtarlyq normaǵa saı bolýy kerek. Álbette eshkim bul jerde aqsha únemdelýi tıis dep otyrǵan joq. Dese de eń aldymen bizdiń tıptik jobalar boıynsha jumys júrgizý kerek», - dedi Ashat Aımaǵambetov Bilim jáne ǵylym mınıstrliginiń apparattyq otyrysynda.
Mınıstr mektep qurylysy boıynsha da osyndaı eskertý jasady.
«Mektep boıynsha monıtorıng jasaý kerek. Osylaı jumys júrgizip jatsaq, taǵy bireýleri 600, 900 oryndyq mektep salynýy kerektigin habarlaıdy. Al ol jerde 1200 oryndyq mektep salýǵa múmkindik bar. Arada 3 aı ótkennen keıin dál sol jerde oqýshylardyń úsh aýysymmen oqyp jatqanyn kóremiz. Jer men kommýnıkatsııa bar. Endeshe nelikten sol jerden birden úlken mektep sala salmadyq. Joq! 300 nemese 600 oryndyq salyp jatady, báribir. Barlyq qurylys jumystary áý basta maquldanýy kerek», - dedi mınıstr.
