Bilim mınıstri úshtuǵyrly tildi damytýǵa qatysty birqatar tapsyrmalar berdi
ASTANA. Naýryzdyń 3-i. QazAqparat /Jasulan Amanbaıuly/ - Respýblıkada 33 mektepte úsh tilde oqytý tájirıbesi engizilgen. Bul týraly búgin Astanada «Daryndy balalarǵa arnalǵan kóptildi bilim berýdi ǵylymı-ádistemelik jáne kadrlyq qamtamasyz etý» atty respýblıkalyq keńes barysynda Bilim jáne ǵylym mınıstri Janseıit Túımebaev málim etti,
dep habarlaıdy QazAqparat.
Atalmysh mektepterde 4183 oqýshy bilim alýda.
Osyǵan oraı, mınıstr J. Túımebaev, pedagogıkalyq joǵary oqý oryndarynda osyndaı mektepter úshin jaratylystaný, matematıka tsıkl pánderin aǵylshyn tilinde oqytatyn bilikti mamandardy daıarlaýdy, atalmysh pánderdiń aǵylshyn tilderindegi oqýlyqtaryn ázirleýdi, úsh tildi mektepterdiń jelisin odan ári keńeıtýdi tapsyrdy.
Mınıstrdiń aıtýynsha, atalǵan mektepterde hımııa, fızıka, bıologııa, matematıka, ınformatıka, ekonomıka, geografııa pánderi aǵylshyn tilderinde, orys tilinde oqytylatyn mektepte qazaq ádebıeti men Qazaqstan tarıhy memlekettik tiliniń negizinde júrgiziledi. Aldaǵy ýaqyttarda kórkem ádebıet, mýzyka, Qazaqstan geografııasy pánderi qazaq tilinde oqytylady.
Úsh tilde oqytatyn mektepterdiń jelisin qurýda olardyń oqý protsesin uıymdastyrýǵa qajet oqý-ádistemelik quraldar men jınaqtar ázirlendi. Sonymen qatar oqý josparlary, qazaq jáne aǵylshyn tilderinde oqytylatyn pánderdiń oqý baǵdarlamalary, ádistemelik nusqalary, úsh tilde oqytýdy engizý jónindegi usynymdar, jumysty úılestirý maqsatynda aǵylshynsha oqytatyn pedagogıkalyq kadrlar daıarlaý, balalarǵa úsh tilde bilim alý sapasyna monıtorıng júrgizip otyrý josparlanǵan.
Úsh tilde sabaq júrgizetin mektepterdiń jelisi tolyǵa bermek. «Daryn» respýblıkalyq ǵylymı-tájirıbelik ortalyǵynyń dırektory Tildásh Bıtýovanyń atap kórsetkenindeı, jaqyn arada Qazaqstanda 20-ǵa tarta mektep úsh tilde oqytý júıesine kóshpek. «Qazaqstandy álemdik ekonomıkalyq keńistikke shyǵarýda, mádenıetin, ǵylym-bilimin jahanǵa tanytýda bul strategııanyń mańyzy óte zor», deıdi T. Bıtýova.
Osyǵan oraı, mınıstr J. Túımebaev, pedagogıkalyq joǵary oqý oryndarynda osyndaı mektepter úshin jaratylystaný, matematıka tsıkl pánderin aǵylshyn tilinde oqytatyn bilikti mamandardy daıarlaýdy, atalmysh pánderdiń aǵylshyn tilderindegi oqýlyqtaryn ázirleýdi, úsh tildi mektepterdiń jelisin odan ári keńeıtýdi tapsyrdy.
