Bilim mınıstri UBT-ny elektrondy formatta uıymdastyrýǵa oraı pikir bildirdi

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov UBT-ny elektrondy formatta uıymdastyrýǵa qatysty pikir bildirdi, dep habarlaıdy QazAqparat tilshisi.

«Bul jaıynda eki jyl boıy aıtyp júrmiz. Bul qadamǵa ata-analar da, túlekter de daıyn boldy. Jalpy, Ulttyq biryńǵaı testileýdiń formaty ózgermedi. Tek ony ótkizý protsedýrasy ǵana ózgerip otyr. Buǵan deıin testileý qaǵaz nusqada tapsyrylyp keldi, ıaǵnı jaýaptardy boıap otyrýǵa ýaqyt ketetin. Endi bıyldan bastap elektrondy UBT-ǵa kóshemiz. Bul turǵyda ońtaıly basymdyqtar barshylyq», - dedi mınıstr Ortalyq kommýnıkatsııalar qyzmetinde.

Onyń aıtýynsha, bul baǵyttaǵy qadamdar pandemııa kezinde óziniń oń nátıjesin beredi.

«Bıyl Ulttyq biryńǵaı testileý úsh aı boıy ótedi. Úsh aıda shaǵyn toptarmen túlekter ózderi úshin yńǵaıly ýaqyt pen orynda test tapsyrady. Sonymen qatar, UBT-ny eki márte tapsyrý múmkindigi berilip otyr», - dedi Ashat Aımaǵambetov.

Budan buryn habarlanǵandaı, bıyl UBT elektrondy formatta uıymdastyrylatyn bolady.