Bilim mınıstri syrttaı oqýdyń bolashaǵy týraly aıtty
ASTANA. QazAqparat - Bizdiń basty nazarymyz - bilim berýdiń formasy emes, sapasy. Eger syrttaı bilim berý júıesi sapaly bilim beretin bolsa, onda turǵan eshqandaı másele joq. Bul týraly búgin OKQ ótkizgen brıfıngte QR Bilim jáne ǵylym mınıstri Aslan Sárinjipov málimdedi.
«Sapasyz bilim berý, dıplom satý, jalǵan baǵa qoıý sııaqty máseleler týyndaıtyn bolsa, biz ondaıǵa beı-jaı qarap otyra almaımyz. Meıli, kúndizgi bolsyn, meıli syrttaı oqý bolsyn», - dedi mınıstr.
Jýrnalıstiń «syrttaı oqýdyń sapaly bolýy múmkin be?» degen suraǵyna jaýap bere otyryp, A. Sárinjipov bilim berýdiń formasy bilimniń sapasyna jaýap bermeıtinin atap ótti.
«Bilimniń sapasy bilim berýdiń formasyna baılanysty emes. Syrttaı bilimdi de sapaly berýge bolady. Jumys jasaı júrip ekinshi mamandyqty meńgergisi keletin adamdar bar. Qazir álemde ómir boıy bilim alý úrdisi etek alyp keledi. Sondyqtan, syrttaı oqý osyndaı formalardyń bir túri», - dep atap ótti ol.
Aıta keteıik, elimizdegi 520 myń stýdenttiń 150 myńǵa jýyǵy syrttaı bólimde bilim alyp jatyr.
