Bilim mınıstri stýdentti oqýdan shyǵarýǵa qatysty pikir bildirdi
NUR-SULTAN. QazAqparat - QR Bilim jáne ǵylym mınıstri Kúlásh Shámshıdınova Almatyda kolledj stýdentin oqýdan shyǵarýǵa qatysty pikir bildirdi, dep xabarlaıdy QazAqparat tilshisi.
«Biz ol jaıynda eki kún buryn estidik. Damır degen jigit. Onyń máselesin zerdeleýdi bastadyq. Bizge túsken aqparatqa sáıkes, stýdenttiń ata-analary balasyn alyp ketý týraly ótinishti ózderi bergen. Degenmen, qazir biz ózimiz tekserip jatyrmyz. Eger ony zańsyz oqýdan shyǵarsa, zań boıynsha tıisti sharalar qoldanylady», - dedi K.Shámshıdınova.
Aıta keteıik, búgingi brıfıngte bilim mınıstri bilim qyzmetkerleriniń jalaqysyn kóterý sharalary týraly aıtty. Atalǵan tapsyrmany QR Tuńǵysh Prezıdenti - Elbasy Nursultan Nazarbaev bergen bolatyn. Oǵan sáıkes, jalaqysy tómen bıýdjettik sala qyzmetkerleriniń jalaqysy 30 kóterilýi kerek. Búginde arnaıy tarıftik koeffıtsent bekitildi.
Budan bólek, Kúlásh Shámshıdınova jalaqynyń qalaı artatynyn naqty mysalmen kórsetti.
