Bilim mınıstri stýdentter men doktoranttardyń shákirtaqysy qalaı óskenin aıtty

NUR-SULTAN. QazAqparat – Bilim jáne ǵylym mınıstri Ashat Aımaǵambetov joǵary oqý oryndaryndaǵy stýdentterdiń shákirtaqysyn arttyrý sharalary týraly aıtyp berdi, dep habarlaıdy QazAqparat tilshisi.

«Memleket basshysy shákirtaqy mólsherin arttyrýdy tapsyrǵan edi. Shákirtaqy ósti. Stýdentter týraly aıtar bolsaq, osy jyldan bastap ol 25 paıyzǵa kóterildi. Bolashaq pedagogtar, ıaǵnı pedagogıkalyq baǵytta oqıtyn stýdentter týraly aıtar bolsaq, bir jyl buryn ǵana olardyń shákirtaqysy 21 myń teńge edi. Osy jyldyń qyrkúıeginen bastap olar 42 myń teńgeden ala bastady», - dedi mınıstr OKQ-da ótken baspasóz máslıhatynda.

Mınıstr óz sózinde bir jyl buryn doktorantýrada oqyǵandar 82 myń teńgeden, al osy jyldyń qyrkúıeginen bastap 150 myń teńgeden ala bastaǵanyn jetkizdi.