Bilim mınıstri oqýshylar arasyndaǵy tóbeles týraly: Tárbıe jumysyna atústi qarap otyrmyz
NUR-SULTAN. QazAqparat - QR Bilim jáne ǵylym mınstrliginiń apparattyq jıynynda vedomstvo basshysy Ashat Aımaǵambetov baıandamashylardyń daǵdarystyq jaǵdaılarda tek formaldy esep berýlerin synǵa aldy. Sondaı-aq, mınıstr Oral qalasyndaǵy jastardyń toptasyp tóbelesýi men Aqtóbede oryn alǵan oqıǵalarǵa qatysty pikirin bildirdi, dep habarlaıdy QazAqparat.
«Máselege tereń úńilip qarap, saldary neden bolyp jatyr degenge jaýap bere almaısyzdar. Bári atústi, formaldy túrde. Naqty jumysqa kelgende balalar tóbelesip jatqanyn kóremiz. Tárbıe jumysy qaıda? Árbir osyndaı jaǵdaılardy biz kerek bolsa arnaıy jınalystarda qarastyramyz» - dedi mınıstr.
Mınıstrdiń sózine qaraǵanda, balalar arasynda jıilep ketken quqyq buzýshylyqtar, onyń ishinde toptasyp tóbelesý faktileriniń kóbeıýi osyndaı oqıǵalarǵa formaldy qarap, istiń shyǵý sebebin anyqtamaýdan týyp otyr. Bul rette, vedomstvo basshysy arnaıy komıssııalardyń qurylyp, jaǵdaıdy jan-jaqty qaraý qajettigine erekshe toqtaldy.
Mınıstr jaýapty qyzmetkerlerge aldaǵy ýaqytta jalpy aqparat qana usynbaı, naqty máselege baılanysty jan-jaqty taldaý júrgizip, oń sheshimin tabýdy tapsyrdy.
