Bilim mınıstri oqýlyqtardy ázirleýdiń olqylyǵyn atady
ASTANA. QazAqparat - QR Bilim jáne ǵylym mınıstri Kúlásh Shámshıdınova oqýlyqtardy birlesip ázirleýge úndedi, dep xabarlaıdy QazAqparat tilshisi.
Mınıstrdiń aıtýynsha, jaqynda respýblıkalyq komıssııa óz jumysyn aıaqtaǵan bolatyn. Sonyń qorytyndysy boıynsha bastaýysh synyptardyń birqatar oqýlyqtary óńdeýge qaıtaryldy. "Budan bólek, jaqyn arada mınıstrliktiń mektepke deıingi jáne orta bilim departamenti "Oqýlyq" ortalyǵymen birge qoǵamdyq oqý sharalaryn uıymdastyrady. Ótken jyly da atalǵan sharalar ótti. Sonyń nátıjesinde oqýlyqtar baspaǵa jiberiledi", - dedi K.Shámshıdınova jýrnalısterge bergen suxbatynda.
Onyń sózine qaraǵanda, oqýlyqtan bólek muǵalimderdiń kásibı biliktiligin arttyrý da mańyzdy. "Oqýlyq - balalardy oqytýdyń bir quraly ǵana. Jańa standarttar aıasynda muǵalimderdi de, sarapshylardy da, avtorlardy da daıarlaý sharalary atqarylyp keledi. Sondyqtan bárin bir kúnniń ishinde ózgertý múmkin emes, avtorlar da bir kúnde jańa talaptarǵa beıimdele almaıdy. Sondyqtan belgili bir olqylyqtar bar", - dep atap kórsetti K.Shámshıdınova.
Aıta keteıik, buǵan deıin mınıstr xanym bilimniń sapasyn arttyrýǵa qatysty sharalardy túsindirdi. Búginde mektepten bastap eńbek naryǵyna beıimdelý kerek. Osyǵan baılanysty belgili bir mamandyqqa suranys bola ma, joq pa, osyny qazirden bastap eskergen jón.
"Mysaly, steam-oqytý, stream-oqytý sııaqty tásilder bar. Matematıka, ınformatıka, hımııa, fızıka men bıologııa sııaqty pánderdi ıntegratsııalaýǵa bolady. Sonyń arqasynda balalardyń júktemesin de azaıtýǵa múmkindik bar. Eń bastysy, pánderdiń mazmuny bir-birin qaıtalamaı, balalardy damytýǵa kómektesýi kerek. Búginde kásiptik-texnıkalyq jáne joǵary bilim salasynda da mamandardy eńbek naryǵyna qaraı daıarlaý qajet", - deıdi K.Shámshıdınova.
