Bilim mınıstri: Nursultan Nazarbaevtyń fenomeni - óte kóp qyrly qubylys

Bul týraly búgin elordada ótip jatqan «Jańa álemdegi jańa Qazaqstan» atty alǵashqy Nazarbaev oqýlary halyqaralyq forýmynda QR Bilim jáne ǵylym mınıstri Baqytjan Jumaǵulov aıtty.

«HH ǵasyrdyń sońy, KSRO-nyń  kúıreýi jáne Eýrazııadaǵy jańa memleketterdiń qurylýy adamzatqa múldem  jańa tájirıbe alyp keldi. Totalıtarlyq bılikten  demokratııalyq memleketshildikke aýysý sekildi  kúrdeli mindetterdi sheshýdi qajet etti.  Dál osy kezde, Nursultan Nazarbaevtyń túbegeıli negizdelgen jáne iske asyrǵan modeli eń tıimdi dep tanyldy da, bizdiń Ult kóshbasshysynyń aıqyndaǵan damýdyń qazaqstandyq joly álemde úlken ynta-yqylas týǵyzdy», - dedi mınıstr.

B.Jumaǵulovtyń paıymynsha, búgingi tańda bul jalpyǵa tanylǵan jáne de «Nazarbaev fenomeni» haqynda kóbisi aıtyp ta, jazyp ta júr. Álemge tanylǵan memleket basshylary, sarapshylar men ekonomıster, halyqaralyq  uıymdar men iri kompanııalardyń basshylary  Qazaqstan men onyń basshysy týraly erekshe qurmetpen jáne tańdanyspenen tilge tıek etedi. AQSh Prezıdenti  Barak Obama  Nazarbaevty «álem basshylaryna úlgi bolarlyq tulǵa» dep atady. Pan Gı Mýn da, Vladımır Pýtın, Hý Tszıntao, Margaret Tetcher, Tonı Bler dúnıejúziniń basqa da kóptegen  belgili  saıasatkerleri de osy pikirde.

«Sondyqtan bul fenomendi zertteý Qazaqstannyń jańa zamanǵy tarıhyn túsiný úshin ǵana emes, sonymen qatar kúlli álem damýynyń  qazirgi zamanǵy protsesterin uǵý úshin de mańyzdy. Nursultan Nazarbaevtyń fenomeni - óte kóp qyrly qubylys», - dedi ol.