Bilim mınıstri Nazarbaev Ýnıversıtetindegi arandatýshylyq plakatqa qatysty pikir bildirdi

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Nazarbaev Ýnıversıtetindegi kabınetterdiń birinde «Za nashıh» jazbasy bar plakatqa qatysty pikir bildirdi, dep habarlaıdy QazAqparat tilshisi.

«Barlyq azamat zań aldynda teń, zańnama talaptary bárine birdeı taralady. Sondyqtan olar zańnamaǵa qaıshy ustanymyn bildirse, onda jaýapkershilikke tartylady. Osy jaǵdaı boıynsha ázirge habarsyzbyn. Ekinshiden, Nazarbaev Ýnıversıteti avtonomdy mártebege ıe, Bilim jáne ǵylym mınıstrligine esep bermeıdi», - A. Aımaǵambetov

Mınıstrdiń paıymynsha, qandaı mamandyq ıesi bolsa da, osyndaı zańǵa qaıshy áreket jasaýǵa bolmaıdy.

«Eger qandaı da bir qadammen zańnamany buzsa, barlyǵy sekildi jaýapkershilikke tartylady. Muǵalimderge qatysty toqtalsaq, bizde pedagog etıkasynyń kodeksi bar jáne onda barlyǵy naqty jazylǵan. Olar osy etıkalyq ustanymdarǵa, talaptarǵa sáıkes bolýy kerek. Onyń aıasynda ata-analarmen, balalarmen, ózderiniń áriptesterimen qarym-qatynasta atalǵan ustanymdardy eskerýi kerek. Olarǵa ózderiniń pozıtsııasyn, sonyń arasynda saıası ustanymyn basqaǵa mindetteýge jol berilmeıdi», - dedi mınıstr.

«Olar bilim beredi jáne ony tek oqytý baǵdarlamasy aıasynda júrgizýi kerek. Al zańnama talaptaryn buzatyndaı óziniń saıası ustanymyn nemese nasıhatyn mindetteýge ruqsat etilmeıdi», - dedi A. Aımaǵambetov.