Bilim mınıstri: Muǵalim synybyndaǵy oqýshylardyń artynan júgirip, kóshe sharlap júrmeýi kerek
NUR-SULTAN. QazAqparat – Bilim jáne ǵylym mınıstri Ashat Aımaǵambetov «Muǵalimderdiń quqyǵyn buzý jaǵdaılary qandaı óńirlerde jıi kezdesedi?» degen suraqqa jaýap berdi, dep habarlaıdy QazAqparat tilshisi.
«Ókinishke qaraı, muǵalimderdiń quqyǵyn buzý jaǵdaılary óńirlerdiń kóbinde kezdesip jatady. Baqylaý boıynsha komıtet mundaı buzýshylyqtarǵa birden jaýap qatýǵa tyrysady. «Pedagogtar týraly» zańdy qabyldasaq, bizde qarjylyq jaýapkershilikti júkteı alatyndaı naqty normalar bolady. Pedagogtardyń quqyǵyn buzý jaǵynan qandaı da bir óńir nemese qala «kóshbasshy» dep dál qadap aıta almaımyn. Sebebi, búl ádiletsiz bolady. Ádistemelik turǵyda da qandaı da bir óńirdi ajyratyp, ataı almaımyz», - dedi Bilim jáne ǵylym mınıstri Úkimet otyrysynan keıin tilshilerge.
Mınıstrdiń aıtýynsha, bala mektepke kirgenge deıin jaýapkershilik ata-anada bolady.
«Biz bárin de mektepten talap etpeýimiz kerek. Kez kelgen muǵalim óz synybyndaǵy 25 nemese 30 balany artynan júgirip, kóshede júrmeýi kerek. Ol – ata-ananyń jaýapkershiligi. Ata-ana mektepke alyp kelip, muǵalimge tapsyrýy tıis. Qazir biz mektepterde arnaıy týrnıketter bolýyn qamtamasyz etip jatyrmyz. ıAǵnı, geonavıgatsııa arqyly balanyń mektepke kirgenin anyqtaı alamyz. Qandaı da bir oqys jaǵdaılar mektep ishinde, oqý kezinde bolyp jatsa, ıá, onda jaýapkershilik bilim salasynda», - dedi mınıstr.
Eske sala ketsek, búgingi Úkimet otyrysynda Ashat Aımaǵambetov muǵalimderdi ózine tán emes qyzmetke tartqandarǵa 120 AEK-ke deıin aıyppul salynatynyn habarlaǵan bolatyn.
