Bilim mınıstri mektepterge kompıýter satyp alý sharasy qalaı júrgizilip jatqanyn aıtty
«Іri memlekettik satyp alýlar boıynsha aıqyn, ashyq sheshim qabyldaý algorıtmi ázirlenetin bolady. Onda «Adaldyq alańy» men «Adal bilim» jobalyq keńselerimen ózara is-qımyl máseleleri kózdelgen. Mundaı tájirıbe qazirgi ýaqytta beıimdelip jatyr. Osy joly bizdiń áriptesterimiz kompıýterlik tehnıka satyp alý barysynda osy jumystardy júrgizedi», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.
Onyń naqtylaı túsýinshe, memlekettik qarajatty ıgerý barysy tolyqtaı ashyq jasalady.
«Memlekettik baǵdarlamalardy júzege asyrýǵa baǵyttalǵan barlyq qarajatty ıgerý jáne tolyqtaı alǵanda bilim berýdi damytý memlekettik baǵdarlamasynyń árbir tarmaǵyna monıtorıng jasaý arnaıy saıtta qoljetimdi bolady», - dedi Ashat Aımaǵambetov.
