Bilim mınıstri: Mekteptegi bilimniń mazmunyn jańartý kerek
ASTANA. 9 jeltoqsan. QazAqparat - Búgin Májilistegi Úkimet saǵatynda baıandama jasaǵan Bilim jáne ǵylym mınıstri Aslan Sárinjipov elimizdiń mektepterindegi bilim mazmunyn jańartý máselesin kóterdi.
«2014 jyly 1-synyptarǵa arnalǵan oqý josparlary men baǵdarlamalaryn jáne jańa oqýlyqtar ázirleýdi aıaqtaý mindetin qoıyp otyrmyz. «Nazarbaev Zııatkerlik mektepteri» onlaın sabaqtarymen, semınarlar, ádistemelik quraldar, sheberlik synyptary arqyly otyz bes bazalyq mektepterde óziniń tájirıbesin taratyp otyr. Kembrıdj ýnıversıtetimen birlesip, biliktilikti arttyrýdyń jańa júıesi de engizildi. Osy júıe boıynsha 22 myń pedagog biliktiligin arttyryp keldi», - dedi mınıstr A. Sárinjipov.
Mınıstrdiń aıtýynsha, aldaǵy ýaqytta osynaý ozyq tájirıbeler elimizdegi barlyq mektepterde taralatyn bolady. Sonymen qatar, vedomstvo basshysy mektepterde, onyń ishinde aýyl mektepterinde kadr áleýetin kúsheıtý máselesine de toqtalyp ótti. Bul rette úsh aılyq kýrstar arqyly júz segiz myńǵa tarta muǵalimniń biliktiligin kóterý josparlanady.
