Bilim mınıstri: Qazaqstannyń JOO-lary endi 6 jikteýge bólinedi
ASTANA. 24 qarasha. QazAqparat /Gúlmıra Alıakparova/ - Qazaqstannyń joǵary oqý oryndary endi 6 jikteýge bólinetin bolady: ulttyq zertteý ýnıversıtetteri, ulttyq JOO-lar, zertteý ýnıversıtetteri, ýnıversıtetter, akademııalar jáne ınstıtýttar.
Qazaqstandaǵy bilim men ǵylymdy damytýdyń jaı-kúıi men keleshegin talqylaý úshin búgin eldegi dıplomatııalyq mıssııalar, halyqaralyq uıymdar men sheteldik bıznes-qurylymdar ókilderimen keńes ótkizgen QR Bilim jáne ǵylym mınıstri Baqytjan Jumaǵulov, JOO-lardyń jańasha jikteýin engizýge baılanysty Qazaqstannyń joǵary bilim berý júıesinde túbegeıli ózgerister jasalyp jatqandyǵyn atap kórsetti.
«Endi 6 jikteý bolady: ulttyq zertteý ýnıversıtetteri, ulttyq JOO-lar, zertteý ýnıversıtetteri, ýnıversıtetter, akademııalar jáne ınstıtýttar. 2015 jylǵa qaraı biz 2-3 zertteý ınstıtýtyn qurýdy josparlap otyrmyz», - dedi mınıstr.
Vedomstvo basshysy óz sózinde sondaı-aq, 20 jyl ishinde alǵashqy ret Elbasy N.Nazarbaevtyń tapsyrmasymen «Stýdenttik baspana» baǵdarlamasy iske qosylyp jatqanyn atap ótti. Onyń sheńberinde Almatyda 20 myń stýdentke, Astanada 10 myń stýdentke arnalǵan jataqhanalar salynatyn bolady.
