Bilim mınıstri: Karantın kezinde muǵalimder jańa kásipti meńgerdi
NUR-SULTAN. QazAqparat – QR Bilim jáne ǵylym mınıstriniń buıryǵyna sáıkes, jas urpaqty oqytý jáne tárbıeleý isindegi eleýli tabystary úshin birqatar pedagog «Y. Altynsarın» belgisimen marapattalady, dep habarlaıdy QazAqparat tilshisi.
«Biz sizderdi Y. Altynsarın atyndaǵy vedomstvolyq medalmen marapattaımyz. Búgingi kezdesýdi onlaın rejımde ótkizgendikten, marapattaý rásimi de osyǵan sáıkes júrgiziledi. Keıinnen osy tósbelgiler marapattalǵan ustazdarǵa tapsyrylady», - dedi Bilim jáne ǵylym mınıstri Ashat Aımaǵambetov onlaın rejımde muǵalimderdiń qatysýymen ótken konferentsııada.
Sonymen qatar mınıstr telesabaqtardy daıarlaýǵa belsendi qatysqan barlyq muǵalimder men ádiskerlerge alǵysyn aıtty.
«Sizder aýqymdy jumys atqardyńyzdar. Qazir telejuldyzǵa aınaldyńyzdar, ıaǵnı qysqa merzimde jańa kásipti meńgerip shyqtyńyzdar. Bizdiń muǵalimder bir aptanyń ishinde telejúrgizýshilikti meńgerip, osy mamandyqtyń qyr-syryn úırendi. Úsh myńnan astam telesabaq daıyndaldy», - dedi A. Aımaǵambetov.
Budan bólek, Táýelsiz Qazaqstannyń rýhanı jáne áleýmettik damý jolynda qol jetkizgen tabystary men gúldenýine qosqan zor úlesi úshin qurmet gramotasymen 120 pedagog pen 104 ádisker marapattalady.
