Bilim mınıstri ǵylymǵa bólingen qarjyny tıimsiz paıdalanǵan JOO basshylarynyń «taqymyna qyl buraý» salmaq
ASTANA. 9 shilde. QazAqparat - Elimizdiń keıbir joǵary oqý oryndarynyń basshylary ǵylymǵa bólingen qarjyny tıimsiz paıdalanýda.
Bul týraly búgin QR Bilim jáne ǵylym mınıstri Baqytjan Jumaǵulov bilim berýdegi kóptildilikti damytý máselelerine arnalǵan jıynda aıtty.
«Bizge ártúrli aqparattar jetýde. Keıbir basshylar ǵylymdy bazalyq qarjylandyrýdan tys 15 paıyzǵa deıin qosymsha shyǵystar alýdyń da amaldaryn tabady eken. Bul bıýdjet zańnamasyn tikeleı buzý bolyp tabylady», -dedi ol.
Osy oraıda mınıstr taıaýda Memleket basshysy N.Nazarbaevtyń QR Parlamenti Májilisiniń quramyna kiretin saıası partııalar fraktsııasynyń basshylaryn qabyldap, bıýdjet zańnamasynyń oryndalmaǵany úshin árbir basshydan jeke-jeke esep talap etý qajettigin basa aıqandyǵyn jetkizdi.
«Demek, mende jeke-jeke talap etý quqym bolsa, onda bıýdjet zańnamasyn buzǵan árbir basshydan jeke esep talap etetin bolamyn», - dedi B.Jumaǵulov.
