Bilim mınıstri Almatyda muǵalimdermen jáne stýdenttermen kezdesti
«Almaty qalasyna jumys saparymen bardym. Bilim jáne ǵylym nysandaryn aralap, kezdesýler ótkizdim. Barlyq bilim berý uıymdary turaqty jáne shtattyq rejımde jumys isteıdi. Men barǵan 206 mektep-gımnazııa 2021 jyldyń jeltoqsanynda paıdalanýǵa berildi. Bul Memleket basshysynyń tapsyrmasy boıynsha 2025 jylǵa deıin 1000 mekteptiń qurylysy aıasynda salynǵan nysandardyń biri. Janyndaǵy mektepte qabyldaý qorytyndysy boıynsha 1 synyp oqýshylary kóp boldy, «ıÝ» synybyna deıin. 1800 oqýshyǵa arnalǵan taǵy bir mekteptiń paıda bolýy oqýshy oryndarynyń tapshylyǵyn sheshýge kómektesti. Áriptes-pedagogtermen áńgimelestim. Sapaly pedagogıkalyq quramy qýantty. Talen Saltanat - hımııa muǵalimi, pedagog - zertteýshi, Balybekova Rabıǵa Jumanazarqyzy - bıologııa muǵalimi, pedogog - zertteýshi, Nııazbekova Aqmaral Qaltaıqyzy - fızıka muǵalimi, pedagog-sheber. Áriptestermen osy pánder boıynsha oqý baǵdarlamalarynyń mazmunyn jáne oqý protsesin jaqsartý ıdeıalaryn talqyladyq», - dep jazdy A. Aımaǵambetov áleýmettik jelidegi paraqshasynda.
Sonymen qatar mınıstr 315 orynǵa arnalǵan 186 bóbekjaıynyń jumysymen tanysty. Buryn bul nysan jalǵa berilgen edi. Qazir ǵımarat jóndelip, jańa balabaqsha ashyldy.
«Qanysh Sátbaev atyndaǵy Qazaq Ulttyq tehnıkalyq zertteý ýnıversıtetine bardym. Jóndeý jumystarymen tanysyp, jataqhanalarǵa baryp keldim. Ýnıversıtet tarapynan ǵylymı jobalar tanystyryldy. Áriptesterim aıtqan barlyq suraqtar men usynystardy muqııat tyńdap, jataqhanada qalǵan stýdenttermen áńgimelestim», - dedi vedomstvo basshysy.
Sapar barysynda A. Aımaǵambetov qala mektepteriniń dırektorlarymen kezdesý ótkizdi.
«Mektep basshylarynyń usynystaryn tyńdap, qyzyqtyrǵan suraqtarǵa jaýap berýge tyrystym. Biz «Almaty mektepteri» jobasyn iske asyrý barysyn talqylap, jan basyna qarjylandyrý tetiginiń tıimdiligin arttyrý, synyp jetekshileriniń ınstıtýtyn kúsheıtý máselelerin talqyladyq jáne ata-analarmen ózara is-qımyldy nyǵaıtýǵa baǵyttalǵan jobalar týraly sóz qozǵadyq. Áriptester qoıylǵan barlyq mindetterdi tıimdi iske asyrýdyń mańyzdylyǵyn túsinetinderine jáne qoldaıtyndaryna kózim jetti», - dedi ol.
Budan buryn habarlanǵandaı, QR Bilim jáne ǵylym mınıstri Ashat Aımaǵambetov Jańaózen men Aqtaý qalalaryna jasalǵan saparynyń qorytyndysy boıynsha óńirdegi bilim berý salasyndaǵy qandaı jumystar atqarylatynyn aıtty.
