Bilim mınıstri: 12 jyldyq júıege kóshýde asyǵystyq bolmaıdy
NUR-SULTAN. QazAqparat – Bul 12 jyldyq bilim berý júıesine kósherdiń aldynda daıyndyq jumysyn júrgizip alýymyz kerek. Bul týraly QR Parlamenti Senatynda ótken dóńgelek ústel otyrysynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«12 jyldyq bilim berý boıynsha Memleket basshysy tıisti tapsyrma berdi. Bul 12 jyldyq bilim berý júıesine kósherdiń aldynda daıyndyq jumysyn júrgizip alýymyz kerek. Óıtkeni ınfraqurylym, úsh aýysymdaǵy jáne apattyq jaǵdaıdaǵy mektepter problemasy bar. Búginde oqýlyqtar, ustazdar tolyq daıyn dep aıta almaımyz. Sondyqtan bul másele boıynsha asyǵystyq bolmaıdy», - dedi vedomstvo basshysy.
Osy oraıda A. Aımaǵambetov daıyndyq sharalary egjeı-tegjeıli atqarylǵannan keıin ǵana bul júıege kóshý bastalatynyn atap ótti.
«Bul turǵyda jumystardy ary qaraı jalǵastyramyz», - dedi mınıstr.
Budan buryn habarlanǵandaı, Senattaǵy talqylaý barysynda vedomstvo basshysy Qazaqstanda aldaǵy ýaqytta pedagog daıarlaýmen naqty 20-30 joǵary oqý orny aınalysatynyn aıtty.
