Bilim men ınfraqurylymǵa ınvestıtsııa salý basty maqsat - QR Premer-Mınıstri
LMATY.Maýsymnyń 4-i. QazAqparat /Erbol Azanbek/- Almatyda ótip jatqan IV Qazaqstandyq ınvestıtsııalyq forýmnyń «Qazaqstandaǵy ınvestıtsııanyń bolashaǵy» sektsııasy jumysyna Úkimet basshysy Kárim Másimov qatysty.
Ol forým qonaqtarynyń Qazaqstandaǵy ınvestıtsııanyń bolashaǵyna qatysty birqatar suraqtaryna jaýap berdi.
«Bolashaqqa ınvestıtsııa salýdyń 3 joly bar. Birinshisi, bolashaqqa eshteńe salmaı munaı men gazdan túsken qarjyny jumsaý. Bul jol eshqaıda aparmaıdy. Ekinshisi, syrtqy álemnen tys ishteı damý. Qazir bul baǵytty qoldaýshylar kóp. Óıtkeni olarǵa syrtqy álemmen básekege túspeı ómir súrý qolaıly. Bul jol da oń baǵytty emes. Biz úshinshi joldy tańdadyq. Ol bilim men ınfraqurylymǵa ınvestıtsııa salý. Árıne, bilim salasy birden nátıje bere qoımaıdy. Alaıda biz básekege qabiletti mamandardy daıyndaý arqyly bolashaqta damýdyń jańa múmkindigine qol jetkize alatyndyǵymyzǵa senim bildiremiz. Biz álem aldynda básekege qabiletti bolýymyz qajet. Sondyqtan ınfraqurylymǵa ınvestıtsııalaý basty maqsat. Biz túbinde DSU-ǵa kiretin bolamyz. Sonda sapaly bilim men ónimge salǵan ınvestıtsııa jemis beretin bolady. Qazaqstan uzaq merzimdi, biraq bolashaǵy úlken baǵytty ınvestıtsııalaý jolyn tańdap aldy», dedi Úkimet basshysy. Ol sondaı-aq shaǵyn bızneske jaǵdaı jasaý, bul baǵyttaǵy kedergilerdi joıý, álemdik básekege qabiletti ónim óndirýge de ınvestıtsııa salýdy basty maqsat dep biletinin jetkizdi.
