Bilim kúninde jol polıtseıleri elordanyń barlyq mektepteriniń janynda patrýldeýdi júzege asyrady
ASTANA. Tamyzdyń 31-i. QazAqparat /Qanat Qulshymanov/ - Bilim kúninde Astananyń ár mektebiniń qasynda jaýapty jol polıtsııasynyń qyzmetkerleri patrýldep júredi, dep habarlaıdy qalalyq ІІD jol polıtsııasy basqarmasynyń baspasóz qyzmeti.
Qyrkúıektiń 1-inen bastap, elordalyq jol polıtsııasynyń jeke quramy kúsheıtilgen qyzmet kórsetý rejıminde jumys atqarady, al patrýldeý beketteri asa qaýipti degen jerlerge jaqyndatylady.
Sonymen qatar, avtoınspektorlar oqýshylar men stýdentterdi jolda júrý erejeleriniń negizgi qaǵıdalarymen tanystyrady. Sondaı-aq, jol polıtseıleri osy kúnderi jol qozǵalysy qaýipsizdigine baǵyttalǵan únparaqtardy kólik júrgizýshilerine taratatyn bolady.
Aktsııa ústimizdegi jylǵy qyrkúıektiń 9-yna deıin jalǵasady.
