Bilim kúninde 11 myńnan astam polıtseı qoǵamdyq qaýipsizdikti qamtamasyz etti

ASTANA. QazAqparat - Keshe elimizdiń barlyq mektepterinde alǵashqy qońyraý soǵyldy. Osyǵan baılanysty ІІM jańa oqý jylynyń bastalýyna oraı merekelik is-sharalar ótkizilgen jerlerde qoǵamdyq tártipti saqtap, jol qaýipsizdigin qamtamasyz etti, dep habarlaıdy QazAqparat.

«Ár oqý ornyna eki polıtsııa qyzmetkeri jáne polıtsııa departamentteri men bólimderiniń basshylyǵynan jaýapty adamdar bekitildi. Patrýl narıadtary mektepterge múmkindiginshe jaqyn jerlerde boldy.

Jalpy qoǵamdyq tártipti qorǵaýǵa 11 myńnan astam polıtsııa qyzmetkeri jumyldyryldy (qalalarda – 5518, aýdandarda - 5908)», - dep jazdy ІІM-nen.

Sondaı-aq 7-11 synyp oqýshylary úshin polıtsııa qyzmetkerleri quqyqtyq saýattylyqty arttyrý, qaýipsizdik sharalary men jol júrisi qaǵıdalaryn túsindirý boıynsha 6 myńnan astam dáris ótkizdi.

«Bilim kúni qoǵamdyq tártipti buzýǵa jol berilmedi. Sonymen qatar keshki jáne túngi ýaqytta kámeletke tolmaǵandar arasyndaǵy quqyq buzýshylyqtyń aldyn alýǵa baǵyttalǵan reıdtik is-sharalar júrgizildi», - dep habarlady polıtsııada.