Bilim ınnovatsııa lıtseıiniń oqýshysy 15 medal utyp aldy - Pavlodar
ASTANA. QazAqparat - Pavlodar qalasyndaǵy «Nazarbaev zııatkerlik mektebi» aıasynda «The World scholar's cup» atty debat saıysy ótti. Atalmysh jarysta baq synaǵan bilim ınnovatsııa lıtseıiniń 11-synyp oqýshysy Alsý Badretdınova jekeleı bilim kórsetý barysynda jalpy sany 15 medal utyp aldy, dep habarlaıdy pavlodarnews.kz.
Sózsaıysqa óńirdiń birneshe mektep oqýshylary qatysty. Aıta ketken jón, mundaı básekeler álemniń shamamen 81 memleketinde ótkiziledi. Bul saıystyń negizin qalaýshy Danıel Berdıchevskııdiń pikirine súıensek, joba oqýshylardy motıvatsııalaý jáne kóshbasshylyq qabiletterin damytý maqsaty negizinde qalyptasqan.
Aıta ketetin jaı, saıys tek aǵylshyn tilinde ótedi. Álem tanyǵan atalǵan bilim dodasyna atalmysh lıtseıdiń 4 komandadan quralǵan oqýshylary qatysyp, júldeli oryndardy ıelendi. Atap aıtsaq, WSC-tan Pavlodar qalasyndaǵy aınalymyna qatysqan saıyskerlerdiń arasynda «Eń úzdik debatshy» ataǵyna ıe bolǵan 11-synyp oqýshysy Alsý Badretdınova jekeleı bilim kórsetý barysynda jalpy sany 15 medal utyp aldy.
Jeńimpazdar aǵymdaǵy jyldyń jaz aılarynda Afıny, Keıptaýn nemese Hanoıda (qatysatyn eldi mektep ózi tańdaıdy) ótetin búkilálemdik WSC-tyń fınalyna joldama utyp aldy.
