Bilim, ǵylym salasyn damytýda Elbasy bıylǵy Joldaýda kóp mindetter qoıyp, úlken senim artyp otyr - Baqytjan Jumaǵulov
ALMATY. 28 qańtar. QazAqparat /Erlik Erjanuly/ - Búgin Almatyda Ál-Farabı atyndaǵy Qazaq ulttyq ýnıversıtetinde QR Bilim jáne ǵylym mınıstri Baqytjan Jumaǵulovtyń qatysýymen QR Prezıdentiniń «Áleýmettik-ekonomıkalyq jańǵyrtý - Qazaqstan damýynyń basty baǵyty» dep atalatyn bıylǵy Joldaýyn talqylaý ótti.
Oǵan ýnıversıtettiń oqytýshy-professorlar quramy, magıstranttary men doktoranttary, Almaty qalasyndaǵy túrli joǵary oqý oryndarynyń, bilim-ǵylym salasyndaǵy mekemelerdiń basshylary men ókilderi jınaldy.
«Bilim, ǵylym salasyn damytýda Elbasy bıylǵy Joldaýda kóp mindetter qoıyp, úlken senim artyp otyr. Bizdiń maqsat - osy jyly bilim berý sapasyn arttyryp, Joldaýda aıtylǵan isterdi iske asyrý», - dedi Baqytjan Jumaǵulov. Al QazUÝ rektory Ǵalymqaıyr Mutanovtyń aıtýynsha, bul Joldaý árbir azamatty eldiń áleýmettik-ekonomıkalyq jaǵdaıyn jańa sapalyq deńgeıge kóterýdegi jaýapty iske jumyla kirisýge shaqyrady.
