Bilim granty baǵdarlamasy 2010-2011 oqý jylyna arnalǵan baıqaýdy ashyq dep jarııalaıdy

«Bota» qorynyń baspasóz qyzmetinen habarlaǵandaı, saýalnamalar ústimizdegi jylǵy sáýirdiń 9-yna qabyldanady. Baǵdarlamanyń nátıjesinde 100-den astam úmitker bilim grantynyń ıegeri atana alady. Grant jyl saıyn uzartý múmkindigimen bir jylǵa beriledi. Grant jeńimpazdarynyń esimderi tamyz aıynda belgili bolady.

Bilim granty baǵdarlamasy áleýmettik kómekke zárý, biraq sabaq úlgerimi boıynsha joǵary kórsetkishterge ıe azamattarǵa Qazaqstannyń kez kelgen kolledjderinde ne JOO-da bilim alýǵa múmkindik beredi. 2009 jyly «BOTA» qorynyń Bilim granty baǵdarlamasy tarapynan baǵdarlamanyń akademııalyq jáne qarjylyq talaptaryna jaýap beretin 87 grant bólindi. Grant oqý ótemaqysymen qosa, panajaı, jol jáne kúndelikti shyǵyndardy jabatyn shákirtaqyny qamtıdy. Sonymen qatar, grant ıegerleri bir jyl ishinde boıyndaǵy qasıetterin ashýǵa kómektesetin kásibı damý semınarlaryna qatysý múmkindigine ıe.

Kelesi talapkerler baǵdarlamaǵa qatysýǵa quqyly: Kolledjge ne joǵary oqý ornyna birinshi ret tapsyryp jatqan, ne buǵan deıin qabyldanbaǵan 11-synyp oqýshylary nemese túlekteri; Joǵary oqý ornyna birinshi ret tapsyryp jatqan, ne buǵan deıin qabyldanbaǵan kolledjdiń sońǵy kýrsynyń stýdentteri nemese túlekteri. Al JOO-nyń stýdentteri baǵdarlamaǵa qatysa almaıdy.

Bilim granty baǵdarlamasy ashyq baıqaý. Bul baıqaýǵa Qazaqstannyń kez kelgen aımaǵynan baǵdarlama talaptaryna jaýap beretin úmitkerler qatysa alady. Desek te, artyqshylyq tabys, tutyný jáne otbasy quramy kórsetkishteri negizinde áleýmettik jaǵdaıy asa aýyr otbasylardaǵy úmitkerlerge beriledi. Árıne, úmitkerler jaqsy oqı alatyn áleýetin kórsete alýlary kerek. Bilim granty baǵdarlamasyna úmitkerlerdi tańdaý barysyna táýelsiz irikteý komıteti kómek kórsetedi.

Saýalnamalardy «BOTA» qorynyń veb-saıtynan (www.bota.kz ) jáne 8 800 080 58 80 ne +7 (727) 264 34 65 baılanys telefondary arqyly ala alasyzdar.