Bilim granttaryn ornalastyrý quqyǵyn konkýrstyq túrde anyqtalǵan 60 JOO ıelendi - QR BǴM
ASTANA. QazAqparat - QR Bilim jáne ǵylym mınıstri A.Sárinjipovtiń tóraǵalyǵymen L.Gýmılev atyndaǵy Eýrazııa ulttyq ýnıversıtetinde bilim berý granttaryn berý boıynsha respýblıkalyq konkýrstyq Komıssııa óz jumysyn bastady, dep habarlanǵan QR Bilim jáne ǵylym mınıstrliginiń saıtynda.
Komıssııa quramynda memlekettik organ qyzmetkerleri, QR Ulttyq kásipkerler palatasy, Qazaqstannyń Azamattar alıansy, Ǵylym jáne bilim qyzmetkerleri kásipodaǵynyń ókilderi, joǵary oqý oryndarynyń rektorlary bar.
Komıssııa otyrysynda joǵary oqý oryndaryna oqýshylardy qabyldaý boıynsha daıyndyq jumystarynyń qorytyndysyn shyǵarý josparlanýda. 2015 jyly 32 168 grant bólindi: 500 oryn JOO daıyndyq bólimderi arasynda bólingen jáne 29 668 grant 1 kýrsqa qabyldaýǵa arnalǵan. Kúndizgi oqý bólimi granttarynyń sany - 29 168, syrttaı - 500. Bilim granttaryn ornalastyrý quqyǵyn konkýrstyq túrde anyqtalǵan 60 JOO aldy. Komıssııa jınalysynda Bilim jáne ǵylym mınıstri Aslan Sárinjipov memlekettik tapsyrys qurylymy ústimizdegi jyly qaıta qaralǵandyǵyn atap ótti. «Memlekettiń áleýmettik-ekonomıkalyq damýynda strategııalyq basymdyqqa, Elbasymen jarııalanǵan ınnovatsııalyq-ındýstrıaldy damý baǵytyna kóp kóńil bólingen. Sonymen qatar agroónerkásip keshenin damytý nazarǵa alynǵan. Osyndaı memlekettik tapsyrystar eńbek naryǵynda joǵary bilikti kadrlardy daıyndaý qurylymyn tıimdi qalyptastyrýǵa áser etedi», - dedi mınıstr. Kórsetilgen basymdyqtar esebimen 12,6 myń grant tehnıkalyq jáne tehnologııalyq mamandyqtardy oqytýǵa, 6000 jýyq grant - pedagogıkalyq mamandyqtarǵa, 2 690 grant - aýyl sharýashylyǵy jáne mal sharýashylyǵy mamandyqtaryna qarastyrylǵan. «2015 jyly bilim granttaryn berýge 67 377 adam qatysady, sonyń ishinde 53 162 qazaq tildi oqýmen, 14 215 - orys tildi oqýmen. «Máńgilik el jastary - ındýstrııaǵa!» jobasy sheńberinde stýdentterdi oqytý kvotasy sheńberinde 6 457 adam qatysady», delingen habarlamada.
